美國加州自駕遊-25/5/2011(26)

家姐今日返早, 做咗咖啡卑佢飲咗就住返工喇,

今日又係好好天,

出發同妹妹去 shopping,

睇相就靚, 其實好熱嫁, 氣溫有成四十度!

美國 shopping 真係好舒服,

買完就夠鐘醫肚,

家姐介紹嚟呢間越南餐廳, 新開嫁喎!

生牛肉湯河, 普通啦! 有得食已經好好嫁喇!

香茅燒雞飯,

越南春卷,

食完返屋企休息吓,

大約四點幾就去家做嘢個電視台參觀,

行高速大約十分鐘就到喇,



當地嘅二號台,

等通傳...





呢張相無家姐嘅?

入得去, 經過一長廊,

佢地食飯嘅地方, 家姐話我地可以攞 d 飯嚟同佢開餐喎, 得咩?

入去控制室,

家姐做新聞監製, 媽媽從來唔知新聞監製咩嫁,

今次真係大開眼界,

天氣報告,

 

解釋卑媽媽聽佢做緊咩,

做完之後我地仲入去直播室影相留念,

佢個個同事及佢老闆都對我地好客氣,

等埋家姐放工返屋企煮飯食,

今晚煲咗老火雞腳湯,

蒜茸開邊蝦,

蒸魚, 噚日仲識游水嫁,


以後媽媽知道點講家姐做咩啦, 因為以前有人問我呢, 我就話佢間電視台嘅新聞做 producer,
再問就監製囉, 監製做d咩嫁? 監控製作囉?? 總之, 就係唔知啦!

KCC sunday brunch

上星期 Fatima 又約去 KCC 食晏, 因為佢家姐啱啱申請倒政府老人院,
佢家姐今年已經八十歲, 終於卑佢倫候倒屋企附近果間院, 我地帶埋婆婆一齊食晏,
佢地兩老都差不多十年無見過面喇!

KCC 個 Sunday Brunch 十年不變,


最正嘅海鮮湯鍋,

婆婆話唔食自助餐, 另外叫份咖哩雞飯, 好味!

buffet 葡國雞飯,

燒火腿,

生滾粥同淥海鮮檔,

食完晏過隔離有個 wine promotion,

有香檳仲有芝士火腿賣,

呢支係意大利氣酒, 好香好清嫁!

呢位小朋友坐係我地隔離檯, 食幾耐就嘈足全場, 尖叫嗰隻, 最難得係佢父母全程由得佢嘈, 教都唔教,

今時今日d父母真係過份寵壞小朋友, 到頭來只係害咗佢地咋!