三軍會 USRC lunch

呢排有兩個老友記想做運動, 諗緊加入某些鄉村俱樂部,
左問右問, 一就要等後補會藉, 仲要等十年八年,
一係就貴到幾十萬入會費, 不過 DD 提意問 USRC,
USRC? 三軍會, 我有個朋友係會員喎! 約 JJ 去食晏,
一來可以試吓佢地d嘢好唔好食, 二來可以請佢幫我地約參觀喎!
今日天氣好好, 帶埋婆婆去....

都幾靚喎! 好多樹呀!


約咗 JJ 喺 coffee shop 食晏, 裝修好古式古香, 好英式!

雖然係星期日, 無做 Buffet, 餐牌選擇還算多, 中, 西餐同各式東南亞餐都有,

我地一行八個人, 決定食印度咖哩,


為怕婆婆食唔慣, 叫咗個海鮮炒麵,

都算 ok, 係個汁就杰咗d!

羊肉腸, 好好味!

蒜茸薄餅, encore 多一份!

超辣嘅 Vindaloo, 辣到食唔落, 唯有打包返屋企開過再煮,

食飽就約咗去參觀會所設施, 樓梯上去就係扒房餐廳,

Coffee Shop 隔離就有間英式酒吧,

好鬼 English pub 咁嘅樣,



行出嚟左轉去 gym room,

唔好以為好大呀! 後面係塊鏡嚟嫁!

花園行過去有個幾大嘅 function room, 啱啱有小朋友喺到開生日會,

Function room 出面有個戶外平臺, 包埋可以同 Function room 一齊用,


另外果邊就係泳區,

一個標準大人池,


另外兩個唔同深度嘅小朋友池,


池邊啱啱做咗個大戶外 function room, 可以擺廿幾三十圍,

網球場,

似唔似羈留所呀? 唔係呀! 會所 guess room, 可以租嚟住嫁!

d 房啱啱全部租出, 所以無得參觀,

行番出嚟就係最靚嘅草地滾球場,


最後入番去 Club House 上扒房餐廳,

幾靚喎! 氣氛都好 romantic,

晚餐對住個泳池景,



參觀完畢, 好滿意, 朋友正在考慮中, 多謝晒 JJ 招呼我地呀!

越華會晚飯

Sarah 表哥從法國到訪香港, 果日約埋去食地道小菜,
提意去越華會, 時時都有聽人講過. 不過我未去過喎,
星期二晚訂檯 八點, 嚟到都要等位....

魚缸裏面龍蝦倒吊,

終於有檯卑我地喇!

快快點菜, 因為已經差唔多八點半, 個個都好肚餓,

嘩! 唔駛五分鐘就上檯, 蔥油雞, d 蔥咸到苦呀, 隻雞還可以,

好好鑊氣嘅炒蜆,

豉油皇炒麵, 麵幼夠乾身, 正!

大排檔鑊氣嘅炒通菜,

椒鹽鮮魷, 用新油嚟炸, 外脆內新鮮軟身,

椒鹽九肚魚, 超新鮮好味,

炸豆腐外脆裏面滑滑豆腐, 小心食呀, 裏面好熱嫁! 超正!

特別為鬼佬叫嘅蒜香骨, 水準一流, 甜酸度洽到好處,

比較普通嘅沙薑雞腳,

特式蛋白炒苦瓜, 我雖然唔食苦瓜, 但係d蛋白好滑,

豆腐魚頭湯無味精添加,


好滿足, 一定會再嚟食!

食飽慢慢行過去香港足球會飲嘢,

就跟住鵝頸橋底行過去就係嫁喇!


到 Football Club,






我地一行八個人, 個個飲奶茶咖啡, 到最後只飲咗一支紅酒, 善哉善哉!