Fatima 生日

                                  我初初喺美國搬番嚟, 無咩朋友,
                                  Fatima 係其中初期回流時嘅朋友,
                               佢年年都記得我同 Michael 哥嘅生日,
                                所以每年佢生日我地都會一齊興祝,
             今年佢話唔想大攪, 只係請咗幾位知己喺我地屋企興祝....


墨魚沙律做頭盤,

橄欖, 墨魚粒, 青瓜, 車哩茄, 配意大利黑醋,

燒巨型帶子,

鮮茄大蝦天使麵, 我嘅至愛!

自家製新鮮出爐湯種餐包仔, 人吃人愛!

豉油皇煎炆鮑魚,

BBQ 必食燒雞翼,

阿 Kim 送嘅生日蛋糕出場喇!

許個願先!

Lily 送嘅香檳, 好開心呀!



我地又送一香檳, 於是飲吓傾吓, 原來飲咗五枝紅酒, 兩支香檳
加四鑵啤酒, 最後有兩個靚女留底喺我度過晚囉!

上湯中蝦煎麵底

呢排唔知係唔係同日本有關系, d 蝦貴咗好多, 果日諗住整上湯中蝦煎麵,
唔駛買新鮮游水蝦啦, 點知買完果日又唔得閒整,
終於拉完油d蝦頭黑嘅? 好彩 d 肉仲好爽, 還算可以!

配碗皮蛋咸蛋瘦肉紅米粥,

炒麵配粥做晏晝, 賣飛佛!哈哈!

海南雞飯

邊個教我整海南雞飯? 每次一整呢個飯就諗起我個大女嘅契媽,
契媽係位星加波女士遠嫁美國紐約, 當時我啱啱做媽咪,
家務煮飯乜都唔識, 契媽住喺我地對面, 佢就係我嘅煮嘢食嘅啟蒙老師!
初初我返嚟香港煮卑d朋友食, 個個都話好味嫁!

其實契媽仲教咗我焗叉燒, 星州牛肚河, 燒鴨等等!
我地最後一次探契媽係我個大女入大學, 講起嚟已經差唔多六年啦!

再戰葡式海鮮飯

西班牙海鮮飯係乾身d, 而葡式海鮮飯就比較似湯飯,
自從喺澳門食過就一於自己學整, 買咗好多海鮮.....


又衰咗, 海鮮多過飯,

龍蝦熟再等收咁 d 水份,

食得喇!


好鮮味, 但係食唔倒飯囉!