美國加州自駕遊-24/5/2011(25)

今朝臨出發前去噚晚果間超市入貨, 買定 d 本地酒莊嘅紅白酒, 我地直揸返 LA 買埋餸就入棕櫚泉探個大女喇!

依家我識分別平貴啦, 如果明產區就貴 d ,

如果剩係寫加州, 咁就平d,

今日全程唔停都要揸五個鐘,

好似我地咁停吓買吓餸,

起碼要傍晚先至到,

一路好多葡萄田,

有時就會有 d 士多梨田,

到 Ventura 啦!

仲有個幾鐘就入 LA 啦!

一入 LA 就好多車嫁喇!

去上次妹妹帶我地去Alhambra 果間買餸,

嚟到已經兩點幾,

買餸醫肚一站攪掂,

食飽繼續開車,

大約兩個鐘, 不過好塞車呀!

快 d 啦, 我地買咗好多海鮮喎!

哈哈! 入棕櫚泉區啦!

其實棕櫚泉係個沙漠區建成, 就好似拉斯維加斯一樣,

到大女做嘢間電視台,

因為佢仲未放工, 我地要嚟攞佢屋企鎖匙,

由佢公司去佢屋企行高速十分鐘左右,

佢搬咗嚟差唔多兩年, 我地都係第一次嚟探佢,



個屋苑又幾靚喎!

太陽開始落山,

沙漠日落好靚呀!

妹妹自已由 LA 揸嚟,

煮飯等家姐返嚟一齊食,

佢打理得屋企幾乾淨喎,

只得一間睡房, 大女好乖讓咗間房卑我地瞓,

開飯啦!

今次呢隻有八磅重,

幾大隻!

食飽飽傾吓偈, 好晚先瞓呀!