酒店包歐陸式早餐, 唔好抱住任何期望, 一般都係麵包, 粟米片加咖啡,
呢間已經算好嫁喇, 有埋鮮果!
今日主要行程去金門橋, 又係喺酒店後面搭巴士去,
今次嚟到三藩市基本都無咩揸車, 搭巴士實在好方便,
就喺呢條路直去就係嫁喇!
來回到係同一車站,
呢度就係金門橋觀景公園,
點解我地條青馬大橋做唔倒旅遊景點嘅?
美國攪呢 d 旅遊景點真係好叻,
行完就坐巴士去唐人街飲茶,
巴士上同一個嚟咗五十年嘅老華僑傾偈,
當然請佢介紹去邊間飲茶啦,
今日星期日, 比較多人買餸,
飲茶都要等位,
還好, 只係等咗十幾分鐘就有位喇,
釀磨菇, 好鮮甜,
蝦腸, ok 夠滑,
柱候牛什,
同香港有得比嘅薄皮蝦餃,
珍珠雞,
鳳爪,
食飽出去行吓唐人街, 嘩! 好耐未見過人用呢種孭帶喎,
三藩市唐人街因為有好長歷史, 所以係必遊景點, 唐人街裏面 d 鬼佬銀行,
間間都要裝修到中國化, 包括 Wells Fargo, Citi bank 同 Bank of America等等,
哈哈! 鑊店!
好傳統嘅電器鋪, 好似七八十年代香港呀,
呃鬼佬嘅中國紀念品店,
萬國旗!
辣妹靚女呀, post card???
美化唐人街中樂募捐, 身為華人一定要撐啦!
咦? 唐人街境然有間非常貴嘅鞋鋪喎?
呢架觀光巴士好似果 d cable car,
張櫈係呢隻狗狗嫁, 因為我坐埋去就卑佢鬧, 原來佢係果間鋪頭養嘅,
而果張櫈係佢嘅地頭嚟嫁!
呢個意大利人就係其中一間店嘅老闆,
非禮勿聽,勿視,勿言...全套 USD2000 未包稅同運費,
終於行出唐人街, 又係必備嘅唐人街牌樓,
搭電車落去漁人碼頭,
我地就係搭呢架 F 車嫁,
今日行另外一邊漁人碼頭.....
沒有留言:
張貼留言