發現置樂果間酒樓又易手, 呢個位最少已經有成四五間酒樓做過,
間間長者做四五年, 短者兩三年, 今次呢位東城集團做,
人人都鐘意試新嘢, 我地都唔例外....
雪山叉燒包, 熱辣辣, 皮脆, 可惜餡就少咗 d!
生滾粥, 無加味精, 繁忙時間兩餸都係 $15/碗, 抵食!
懷舊娥姐粉果, 好味! 果然有細細個果時陣口味!
蝦餃皮薄有汁,
足料雞扎,
大大嚿魚肚, 絕無欺場,
砵仔臘味芋頭糕, 打破一般中式酒樓傳統, 夏天都有臘味食, d 臘味餡仲好香,
龍躉球煎麵, 真材實料$58/碟, 好味超抵!
總括來講真唔錯, 以呢種街坊式酒樓來說, 價錢合理又少味精,
希望佢地能夠好好保持呢種水準啦!
沒有留言:
張貼留言