我地租果間 vacation apartment 係無車位嘅,
所以駕車要泊喺街,
晚晚都要打遊擊,
而美國 d 街位有分開洗街日子,
例如逢星期三洗左邊街,
星期五洗右邊,
如果泊啱洗街位,
就一定要喺朝早八點前走...
如果唔係就....
一係就抄牌, 一係就拖車,
所以我地朝朝都走鬼, 頭幾日因為時差, 所以對於我地都無咩問題,
但過多幾日就.....
哈! 今朝泊完車之後卑我發現, 原來個 apartment 間房裏面個衣櫃有個後門,
仲通得出街嫁, 咁都得??
今日無咩行程, 剩係約好咗妹妹同佢 d 朋友影畢業相,
慢慢揸落 downtown, 要經過 Korean Town, 一於去食韓國嘢啦!
嘩! 個美食坊好齊全喎, 差不多九成韓國食品都有, 隔離仲有個韓式超市,
行咗個圈, 最後揀咗食牛筋湯飯,
嘩! 好多牛筋呀! 我敢話好食過韓國呀! 主要係美國牛肉平過韓國好多囉!
喺韓國食完仲要自己攞番 d 碗碟卑佢, 反而喺美國仲唔駛自己攞喎,
食完繼續開車去妹妹度,
呢幾個就係妹妹嘅好朋友,
大家一齊畢業, 幾開心!
青春無價!
影完行過去佢地學校吉祥物果邊,
呢個就係代表佢地間大學嘅 Tommy Trojan 啦!
百幾年嚟所有畢業生都同佢影相留念嫁,
影影下, 太陽都開始落山啦, 買杯超肥忌廉雪糕咖啡歎吓先!
休息完就去咗果間韓國超市買餸, 香煎三文魚骨腩,
韓式暖沙律飯,
牛油煮磨菇,
當然唔少得美國牛扒,
今晚家姐放工先揸車過嚟, 起碼都要點幾兩點先至到,
我都幾擔心佢一個人揸夜車嫁,廳朝就係妹妹正式行畢業禮啦!
沒有留言:
張貼留言