今日妹妹大日子, 我兩個女唯一參加過嘅就係大學畢業禮,
佢地讀果間中小學都無辦畢業禮, 所以真係特別開心!
噚晚家姐真係點幾鐘先到, 我地一早調好晒 d 車,
今早我地揸妹妹駕車落去泊喺佢宿舍果邊,
因為大學裏面 d 位一早就無晒, 除非我地肯七點前到啦,
當年家姐畢業我地都係咁!
到學校附近喇, 雖然呢 d 屋唔係全部屬於學校, 但全部都係學生住,
其他畢業生同屋企人都一樣咁行過去學校, 其實都要行成十多分鐘嫁,
途經學生開完 party 嘅屋, 垃圾都未執呀!
加州天氣真好, 呢種紫色樹週街都係, 好靚呀!
四處都係靚靚花, 睇見都開心呀!
有 d 家長一早訂好豪華轎車接送, 幾有氣派!
沿途都有人賣花,
我地都買番串送卑妹妹,
行到妹妹學院嘅畢業場地 Shrine Auditorium, 其實今朝學校全體畢業生已經去
咗大圍校園裏面嘅畢業儀式, 然後各學院再分別做派證書儀式,
呢間 Shrine Auditorium 以前係做格林美電影頒獎禮,
唔知係咪最後一次喺度做第 60 屆領獎呢?
裏面古老得嚟又豪華,
嘉賓陸續入場,
主角進場,
教授演講,
捱咗四年最後等倒的一刻,
排隊上臺攞果張沙紙,
禮成! 請各位嘉賓步出禮堂,
行過對面馬路返入校園內,
到學院設的私人派對享用午餐,
妹妹學院今年啱啱接受咗一筆天文數字嘅捐款, 所以有錢擺個靚靚派對,
可惜 d 嘢麻麻地好食, 不過已經好過家姐果次嫁喇,
兩個女每人卑四年學費, 哈!哈! 每人都係得一次學校請食一餐!
大家都好開心, 互相電話祝賀,
食飽繼續喺校園內影相留念, 六年前我第一次帶家姐返學就係見倒呢個建築物,
六年過得真係太快, 仿佛昨日嘅事一樣!
妹妹間學院,
最後我第一次嚟到呢個校園電視台參觀, 我兩個女都有喺度做過嘢,
有糧出嫁!
攪到成兩點幾, 妹妹還完畢業袍我對就去食嘢, 本來訂好去海鮮自助餐,
但晏咗, 無計啦!家姐話想韓國嘢喎, 講真吖, 呢度 d 韓餐做得好食過唐餐囉!
豆腐海鮮醬湯, 超正!
鐵板牛肉, 好味!
麻麻地嘅海鮮蔥餅,
我地四個人食兩份嘢, 因為喺學校派對已經食咗d, 今晚我地訂咗去扒房興祝,
食完番去瞓瞓, 夜 d 再出動過!
沒有留言:
張貼留言