行咗幾個鐘好攰喇, 太陽都開始落山, 搵個地方坐吓先!
不如去 Happy Hour 吖?
行咗幾間, 最後揀咗呢間墨西哥 fusion 餐廳,
幾靚!
露臺呢邊日落後都幾凍嫁,
所以佢地做咗個好大嘅火爐, 一來靚二來暖d,
我地同個女歎番杯 cocktail...
一早約好咗妹妹, 飲完就出發去 Alhambra 果邊同妹妹一齊食飯,
因為 Alhambra 喺 I10 west, 家姐順路返屋企,
呢間就係第一日嚟妹妹帶我地去飲茶果間, 因為見有龍蝦大減價,
咪嚟試吓食晚飯囉, d 女話平時得佢地兩個人, 食中菜好難叫嘢食喎!
白灼珊瑚蝦, 麻麻地, d 肉唔爽嘅? 不過, 點都叫做游水蝦囉!
USD0. 99/磅 特價龍蝦, 呢碟計 USD3.00 抵!
北京片皮鴨,
鴨皮好香脆, 不過 d 包就稍厭厚咗 d 喇!
椒鹽鮮魷, 好新鮮,
油泡龍利, 泡得怪怪地, 但還算好味!
四個人六個餸, 當然有餘有剩啦!
食完都差唔多十點幾, 家姐揸到番屋企都十二點有多,
諗起都心痛呀!
沒有留言:
張貼留言