一大清早搭中國東方航空去上海轉機至加州洛杉磯,
今次係第一次坐國內航空公司長途機, 無計啦! 貪平吖馬!
結果非常滿意, 佢地好過國泰多多聲, d 女仔服務好又好笑容,
坐位又闊得多, 最唔好就係要轉機, 不過以後我都會考慮坐佢地去美國囉!
起飛喇! 今次我地會去一個月, 第一主要任務就係睇妹妹大學畢業,
其次就係探吓個大女,
第一餐飛機餐, ok 啦! 普通炒麵,
到上海浦東機場, 氣溫比香港涼成十度八度,
想像唔倒浦東機場係咁靜喎!
咦? 呢度都有個貴賓室喎, 入去試吓先!
Michael 哥唔記得帶果張咭, 無得入...
食物選擇唔算多, 求攞d嘢食吓, 志做消磨吓d時間囉,
呢個麵係Michael哥喺外面卑錢自己食嘅,
又上機開始我地十二個鐘旅程去 LA, 睇吓坐位幾寬闊!
開機一個鐘就做第一餐晏晝,
麻麻地嘅豬扒意粉,
食飽棟起對腳打機, 仲有成十個鐘先致到呀!
唔知瞓咗幾耐, 又派晚飯啦,
機到前兩個鐘仲有空姐教我地做 d 舒展筋骨嘅運動,
睇吓 d 乘客幾落力做?
臨落機最後再派多個熱辣辣菜肉包做早餐, 你地話係咪好過國泰吖?
國泰依家長途機只做兩餐熱食, 其餘就自助三文治同杯面,
一個唔好彩, 時不時仲要撞倒 d 空姐黑口黑面咁呀, 機票又貴過人!
到羅省喇!
機場裏面嘅一幅電子動畫,
幾得意!
有運輸公司嚟接狗狗,
呢家人同我地一班機到,
原來佢地仲有隻狗狗一齊, 佢地就好啦, 我都想帶埋 DJ 嚟呀!
妹妹揸車嚟接我地, 妹妹大個女喇!
依家係早上十點幾, 我地租住嘅地方要三點先有, 所以要四圍行吓!
沒有留言:
張貼留言