妹妹揸車嚟接我地, 其實唔妹妹唔順路嫁, 唉! 辛苦晒啦!
同家姐上網搵間新試去飲茶, 當然都係 Monterey Park 啦!
嘩! 一出門口就見倒好多隔離鄰舍賣舊衫呀!
喂! 埋嚟睇埋嚟揀呀!
好快又到 Monterey Park, 呢個屋苑尊為香港台灣人備, 好貴嫁!
山上面 d 單棟式屋,
Aiya! 等位呀! 好囉...阿姐廿年都未等過位, 為咗 d 女, 無計!
揸張飛仔 "23" 號呀, 死未! 鬼叫你無頭無面,
終於足足等咗一個鐘, 好在間嘢都算唔錯!
餓到死死吓, 叫嘢食呀!
d 點心算ok啦! 似香港果d 2 流酒樓出品囉!
食飽妹妹話攰返屋企瞓, 大女話同我地去 Griffith park,
又幾靚喎!
不過太多人喇! 搵唔倒位泊車, 睇呢個人打棟架車嚟泊呀!
咁都得!
有人結婚喎, 睇吓 d 靚女伴娘!
終於放棄, 周末實在太多人喇!
去邊呢? 有無 high tea 呀? 呢度又貴, 果度又遠, 不如...
Star Bucks 啦!
飲完咖啡見倒對面有間類似救世軍嘅舖頭, 入去睇吓先!
都幾得人驚,
都係返 apartment 煮嘢食喇!
其實我地飲完茶已經買埋餸, 石蟹 USD1.99/磅, 超抵食!
龍蝦當然小不免, 家姐未食麻!
大隻到差 d 煲唔落,
又開餐喇!
一家人齊齊整整食得好開心呀!
家姐指定要嘅白切雞, 薑茸當然少不了!
Michael 哥最鐘意嘅滾西洋菜湯!
咁又一日, 時間喺美國真係過得好快!
沒有留言:
張貼留言