開五分鐘車去下個景點,
瞻星台,
呢度係古時d皇室建嚟觀星睇天文.
仲以為好高, 原來只得兩三層高咋, 成千年前就好高嫁喇!
再開五分鐘去雁鴨池, 路經見倒好多皇陵,
雁鴨池又係皇室賞花請客開 party 嘅地方, 有 d 似我地嘅頤和園咁啦,
再去附近就係普門湖風景區, 呢度有好多靚渡假酒店,
夏天就租呢d鴨船仔遊湖,
其實遲少少, 呢度亦係賞櫻花景點嚟嫁,
臨走買咗杯咖啡坐坐先, 上車去我地今晚第一間酒店,
今晚住大邱呢間三星級酒店, 我地嚟到差唔多四點, 今晚我地係自費餐,
領隊剩係叫我地喺酒店附近行吓食嘢, 嘩!週圍咁靜想悶死人咩!
三星級舊咗少少, 但還算乾淨,
攞完房就那那聲落大堂問下點出市中心, 原來喺正酒店門就有地鐵站,
坐兩個站就去到市中心, 點解個領隊同導遊都無提, 剩係叫我地留喺酒店附近,
我地因為約埋幾個團友, 所以無坐地鐵, 因為的士仲平,
因為我地六個人, 兩架的士所以我揀咗其中一間百貨公司做集合點,
原本間百貨公司地下果層有間 Dunkin Donut 喎!
Michael 哥當然唔放過下午茶點啦!
落去地庫超市見倒d好靚嘅士多啤梨, 今晚買d返去做飯後果,
行公司, 都幾靚不過一d都唔平呀!
出去行地下街, 約好團友七點集合, 其間大家去搜羅吓去邊度食飯,
嘩! 好熱鬧喎, 有d似心齋橋呀!
韓板優之良品, 隨便揀隨便試食啦!
好多街頭小食,
越睇越肚餓!
1000 won = HK$7 一條魚蛋餅,
最後經過團友大家努力揀選後, 我地決定食呢間,
炒辣雞鍋, 全間都係食呢樣嘢嫁,
落辣椒醬炒棷菜,
再加埋d雞,
好香呀!
快炒, 就食得喇!
海鮮煎蛋餅, 食唔倒海鮮味, 不過就好多韭菜味!
食完d雞仲可以加汁做炒公仔麵同炒飯,
我唔記得影炒飯,
食飽行化裝品店,
最後返果間超市買士多啤梨, 返到酒店對面見倒間豬骨湯店, 以為牛骨湯,
叫咗一份嚟試, 勁難食連相都唔想影, 都係返房食士多啤梨算罷啦!
沒有留言:
張貼留言