聽 d blog 友話 d 平價韓國團早餐好難食,
果然如此, 落到 coffee shop 一人派一碟凍嘅早餐,
一碟碟預早整定插喺個架上面,
各位團友自己攞啦!
每人兩個凍冰冰嘅麵包, 多都無嫁喇, 好彩咖啡仲可以任飲,
開車出發去第一個景點,
大邱 Spa Valley 溫泉水上樂園,
好夏天渡假 feel 呀!
換泳衣玩溫泉,
幾舒服....
Michael 唔肯落水,
保等兩個幾鐘, 影吓魚缸 d 魚算罷啦!
玩晒咁多個池, 沖完涼啱啱好集合預備去食晏,
溫泉門外面有好呢 d 卡通公仔, 小朋友一定鐘意喇!
開車嚟 Herb Hillz 香草農莊食香草花伴飯,
沿住路直上, 環境唔錯喎!
其實係園裏面餐廳,
咦? 可以隨時再叫餸都得喎,
一早已經擺好晒,
一人一份貌似沙律, 凍冰冰...一些酸菜, 一碗湯,
點食呢?
哦! 原來加碗熱飯落個沙律,
撈渾就食得喇, 又幾好味喎! 特別!
有個後生仔團友受不了沙律撈飯, 自費叫咗個豬扒飯, 佢話好好味喎!
當然自己卑餞啦! 盛惠 8000 won, HK56, ok 啦!
食完飯我地有一個鐘遊覽個香草園, 然後坐高鐵上首爾!
沒有留言:
張貼留言