瞓到八點幾 Michael 落去買咗個包同咖啡,
摸摸吓都攪到十點幾先出門口,
酒店後面街就有個地鐵站, 唉! 點知地鐵站裏面無英文指示,
可能我地呢個唔係大站, 又無詢問處, 最後搵倒個警察嚟幫我地,
左攪右攪足足半個鐘先買倒票上車, 第一站去景褔宮,
咦? 呢個站要出街轉車喎,
睇睇吓好似嚟咗鷺梁津海鮮市場喎,
Michael 哥話不如去海鮮市場睇吓, 行過果條天橋就係嫁啦!
沿途上有好多檔雜物檔,
由停車場落去有檔菜檔,
嘩! 真係大得好犀利, 鯉魚門真蚊同牛比,
呢度主要係做本地人生意, 講到海鮮真係乜都有,
幾多蟹! 有游水有瞓覺, 豐斂由人,
超大粒帶子,
海菠蘿, 刺身食...
d 皇帝蟹好大隻,
新鮮北其貝,
呢隻好似係跳螺!
嘩! 超抵食嘅生蠔, 5000 won = HK$35 有 15隻, HK$2.5/隻 咋!
要咗條游水左口魚做刺身,
海鮮檔果個識講普通話嘅阿豬媽介紹我地嚟依間食,
因為呢間有人講普通話囉,
呢間收費好合理, 每人收 HK$14 油料費, 如果食刺身的話,
魚生因為魚檔已劏好所以餐廳唔收費,
伯伯幾滋陰!
我地嘅海菠蘿同生海參, d 海菠蘿麻麻地, 有少少苦苦地嘅?
生海參滑潺潺又幾硬,
白灼蟶蚶, 洗得唔夠乾淨, 有泥嘅!
超甜超正生蠔,
好新鮮彈牙左口魚刺身,
魚頭同骨做海鮮湯, 我將果d鮮海參淥嚟食, 又好好味喎!
全餐連工包料都係二百幾蚊港幣咋! 抵到難呀!
沒有留言:
張貼留言